|
- 367 - 1396. Nov. 16. Leubus (in stuba domus abbatis). Notarielle Beglaubigung des Verkaufs aller Brotbänke und zweier Kaufkammern, gelegen auf der rechten Seite, wenn man von der Peterskirche unter die Kaufkammern geht, durch das Kloster Leubus an die Stadt. In nomine domini amen. Sub anno natiuitatis ejusdem millesimo trecentesimo nonagesimo sexto, indiccione quarta, die sextadecima mensis Nouembris, hora terciarum uel quasi, in stuba domus habitacionis venerabilis domini abbatis monasterii Lubensis, pontificatus sanctissimi in Christo patris et domini nostri, domini Bonifacii diuina prouidencia pape IX, anno octauo, in mei notarii publici et testium presencia subscriptorum ad hoc vocatorum et specialiter rogatorum, constituti venerabiles et religiosi viri domini Johannes abbas, Johannes Czeginhals, prior, Johannes News olym abbas, Dominicus supprior, Paulus de Nisa, cellerarius, Johannes Doliatoris portarius, Paulus magister hospitum, Bartholomeus coquinarius, Nicolaus Clare bursarius, Paulus custos, Gregorius de Sabor conuentualis, propter subscripta, ut moris est, capitulariter congregati omnium et singulorum ipsorum necnon ipsius seu tocius conuentus et monasterii Lubensis predicti nominibus fecerunt, constituerunt et prout melius potuerunt, ordinauerunt, discretum virum dominum Petrum Wyroch, altaristam ecclesie parrochialis sancti Petri in Legnicz absentem tamquam presentem ipsorum ac tocius conuentus et dicti ipsorum nonasterii Lubensis verum et legitimum sindicum et procuratorem, actorem, factorem et nuncium specialem, dantes et concedentes eidem plenum et speciale mandatum, liberam et omnimodam potestatem ad recognoscendum et confitendum coram reuerendo in Christo patre ac domino, domino episcopo Wratislauiensi aut ipsius officij Wratisl., ipsos nomine ipsorum et tocius conuentus et monasterii predicti omnes et singulas staciones panum wlgariter brotbencke nuncupate, quas ipsi et ipsorum monasterium predictum in opido Legnicz habuerunt et que ad ipsos et ad dictum ipsorum monasterium quouismodo pertinebant, necnon duas cameras mercales wlgariter kauffkammern in dicto opido Legnicz inter alias cameras mercales, sicut itur de ecclesia parrochiali sancti Petri per dictas cameras mercales in latere dextro dictarum camerarum mercalium iacentes cum omnibus ipsorum vtilitatibus et prouentibus ac emolumentis et fructibus de eisdem prouenientibus et prouenire potentibus ac juribus et obuencionibus vniuersis, nullis exceptis, nec exclusis, prouidis viris magistris ciuium et consulibus nec non toti communitati opidi Legnicz et ipsi opido iusto et legittimo tractatu interueniente rite et racionabiliter resignasse et cessisse de eisdem ipsisque dominis abbati et conuentui et ipsorum monasterio pro eisdem per quendam censum annuum et perpetuum ipsis in reconpensam promissum, satisfactum fore et esse et ad renunciandum pro eis et dicto ipsorum monasterio omnibus juribus, jurisaccionibus ipsis et dicto ipsorum monasterio competentibus et competere potentibus quomodolibet in stacionibus panum et cameris mercalibus supradictis, et ad promittendum pro eis ipsorum atque monasterio, dictos consules et ipsum opidum Legnicz amplius et in antea pro eisdem nolle inpetere nec aliquatenus arrestare, item ad recognoscendum, ipsos et dictum ipsorum monasterium habere sedecim scotos annui census annue propinacionis vini, quem censum curie, super quo dictus census sedecim scotorum est constitutus ipsum opidum Legnicz, ut asseruerunt, iam habet sub tytulo reempcionis comparatum; ad promittendum quoque pro ipsis et ipsorum monasterio predicto, quod quandocunque prefatus census curie reemptus fuerit, quod tunc ipsum opidum Legnicz eciam liberum et solutum esse debeat a solucione sedecim scotorum predictorum, asserentes, se velle eosdem tunc repetere ab illis, qui ipsum censum annue reemerint, et ad quos dictus census curie pertinebit, ac ad obligandum ipsos ipsorumque successores abbates et conuentum monasterii ipsorum Lubensis, qui pro tempore fuerint, ad seruandum et tenendum omnia et singula premissa sub pena excommunicacionis ecclesiastica et censura in ipsos et conuentum ipsorum ipsorumque successores pro tempore, quociens contra promissa fecerint, libere proroganda. Insuper ad renunciandum pro ipsis ipsorumque successoribus et monasterio, quo ad suprascripta omnibus et singulis excepcionibus legis, canonis, statuti, consuetudinis, appellacionis, simulacionis, contractus, feriarum, privilegio fori et paupertatis, capitulo Odoardus clericus, epistole diui Adriani de duobus vel pluribus reis debentur, pecunie non numerate, non solute et in euidentem utilitatem ipsorum et dicti monasterii non conuerse, doli mali, quod metus causa factum est, pacti conuenti et in factum accioni non sic celebrati, contractus ultra dimidium iusti precij et legi dicenti generalem renunciacionem non valere et presertim beneficio restitucionis in integrum ipsis et ipsorum monasterii nominibus, quod gaudet secundum juris disposicionem jure minoris nec non omnibus alijs et singulis excepcionibus juris et defensionibus utriusque juris excepcionibus, privilegijs, libertatibus et gracijs impetratis vel impetrandis ipsis et dicto ipsorum monasterio aut ordini eorum concessis et concedendis, cum quibus presens contractus viciari posset aliqualiter seu infringi, promiserunt eciam ratum et gratum habere et tenere, quicunque per dictum ipsorum procuratorem actum, factum procuratumque fuerit in premissis seu quolibet premissorum sub rerum suarum et dicti ipsorum monasterii omni ypotheca. Acta sunt hec anno, indiccione, mense, die, hora, loco et pontifice, quibus supra. Presentibus prouidis viris Johanne Pellificis prebendario, Steffano thabernatore opidi Lubens, Petro de Gobin et Nicolao de Struppin, famulis domini abbatis predicti testibus ad premissa vocatis pariter et rogatis. O. d. St. L. No. 184. — Bitschens Privilegb. f. LXXXVIIIb. Urkunden-Buch der Stadt Liegnitz und ihres Weichbildes bis zum Jahre 1455 - Herausgegeben dr Friedrich Wilhelm Schirrmacher - Liegnitz 1866
Zamknij dokument |
